漫花燈火OMG (已結業)

🦞性价比🦑：🟢🟢🟢⚫⚫🥞美食体验🧇：第二次黎食，超靓的餐厅，以「万花筒」作为主题，行入黎的时候会先经过万花筒隧道，系极靓的打咭位。食物水平系好高既，但真心贵，预两个人食lunch既话，加埋饮野之类，人头费将近400蚊。黎之前要有心理准备📸打咭体验📸：铺头入面色彩缤纷，唔同区域有唔同的影法，无论想影万花筒又好，想影纯色背景又好，想影彩色背景又好，应有尽有🧑‍🍳服务：入面的侍应都系年轻人黎，好勤力。我对佢地呢方面的印像好好。🍳食物搭配：开心果羊架加薯条系好好食既，但叫价360蚊左右(未计加一)，纯以食物水平黎讲，呢个羊排系外面食最多180蚊，无可能再多，再好食既羊排都只系羊排。而食物的溢价就由装修、食物的心思等等弥补。另外叫左一个蛋糕，168元(未加一)，同样系非常非常高价，出面食同一个水平的话90蚊不可能再多。不过佢有好好的噱头，有个糖胶放左系顶，又比个锤仔你打碎个糖胶，呢日系我同朋友庆祝生日，店铺果边送左顶生日蛋糕帽仔比我朋友，成个服务令到我即时感觉蛋糕的价钱抵抵地比。将糖胶打碎当系吹蜡烛，感觉又几开心小食方面，炸鸡翼系超级好食。佢的5色野饮都值得叫，又靓、感觉又新奇，而且真系几好饮。