大川滬 (已結業)

今日放工同屋企人去左食呢间上海菜。好少行黎中港城呢边，发现原来呢边除咗无咁多人，环境仲非常之舒适。大家如果怕海港城多人食饭要等位的话，不妨行多两步过嚟呢边，因为今餐饭真系食得好满足😋😋😋一坐低，老板娘亲自行过嚟招呼，介绍番啲菜式，茶水系荞麦茶，麦味好香！餐厅标榜食材系严选级，用料一啲都唔马虎！你摆入口就知系真材实料！醉鸡用嘅系靓酒，腌得好入味！甘甜回香！同其他地方食嘅有分别！水煮鱼用新鲜花椒秘制，龙脷柳超厚身，系好新鲜银耳红杞藏白玉老板娘话系用蜂蜜黎煮，唔怪之得食落个种甜味好清，好滋润,果然用料上乘！我哋望住个日落，用餐经验非常良好，大家唔想同人迫又想食高质上海菜要过嚟一试