峯日式料理

营业中

休息中

喺观塘返实习既好处，就系唔惊冇野好食。放lunch我地几个喺熟食市场游荡咗阵，决定食呢间日本野。冇谂过咁高质，入面既装潢几有格调，有种日本地道居酒屋既感觉，重点系唔贵而且唔洗排队！我食完都唔知点解唔洗排队😭因为真系太好食，好高质。每个饭都会跟面豉汤同芝麻酱沙律，个汤好好饮，唔系hea底无味。牛舌饭大大话话有成5,6块😭仲要块块有厚度架痴线，而且软度适中重牛味，个饭底淋咗啲照烧牛肉汁，甜甜地连埋啲牛舌食，啖啖肉真系每一啖都系享受嚟。