家賀屋

去到铜锣湾，期待咗好耐日本嘢终于有得食楼上铺，超高质 7点半入到去其实都超多客，好彩有booking，侍应好nice，后尾冇人等嘅时候仲帮我哋换咗四人枱，劲好服务贪得意我哋两个人冇叫到热食，净系叫左生蚝 象拔蚌同䲞鱼刺身，另外再叫咗彩虹寿司， 同埋「师傅精选」寿司定食，再叫咗两杯酒🤭刺身食落口感觉系新鲜、高质，䲞鱼有咬口有质感，象拔蚌索索声，系我最钟意嘅口感。韩国生蚝有埋酸啫喱，食落去好夹，都系新鲜开既生蚝，抵赞。彩虹寿司系我好欣赏嘅，寿司上面只只都有唔同嘅馅，最欣赏佢只赤贝，好有诚意，劲大只，仲可以同一碟里面食到唔同嘅寿司。个寿司定食系劲大份量，除咗八件寿司之外，仲有个汤、沙律、炸蚝，个汤都系用鱼煲既味噌汤，劲有诚意。个定食有两件寿司系师傅发办，其实稍为细食啲嘅人，斋食呢个定食应该都够饱了，卖相同创意一流👍埋单都系1000，价钱好合理，食到咁好嘅嘢，记得唔好错过，高质日本料理😆