影片
更多
2021-12-26
548 浏览
圣诞节同老公去咗Shake Shack食晏。Shake Shack系我老公最爱嘅汉堡店，我自己就麻麻。但哩间Shake Shack嘅位置真系一流，室外座位对住维港，虽然景色唔系开扬，但都已经好舒适写意，加埋蓝蓝嘅天色同阵阵嘅微风，一个字：爽！我叫咗佢新出嘅炸洋葱圈蘑菇牛肉汉堡（我唔记得老公叫咗乜）、奶茶味奶昔（好伤心，因为我同老公嘅至爱都系花生酱奶昔，但可惜佢已经停售了）同埋炸薯条。炸洋葱圈蘑菇牛肉汉堡：炸洋葱圈份量好少，得几粒，虽然炸得好香口，但佢唔脆之余仲淋淋地，有点失望。蘑菇份量亦好少，干身同味道麻麻。牛肉有好香嘅肉味，但欠肉汁亦比较干身。反而我钟意佢包嘅质感同味道，好香好软身，亦有淡淡嘅甜味。芝士不过不失。酱偏少，所以成个包都比较干身，我要自己加啲茄汁落去。整体感觉还好，但性价比真系唔高。炸薯条：一直都觉得Shake Shack嘅薯条麻麻，但食汉堡唔加薯条又好啲差咁啲嘢。炸薯条炸得好脆卜卜，但薯仔味真系欠奉，哩个系我唔太钟意佢哋薯条嘅原因，性价比较低。奶茶味奶昔：奶昔系佢哋做得最出色嘅item，每次饮都令我有感动同Wow！嘅感觉，今次亦唔例外。以往我同老公都系饮开花生酱味，但哩
我叫咗佢新出嘅炸洋葱圈蘑菇牛肉汉堡（我唔记得老公叫咗乜）、奶茶味奶昔（好伤心，因为我同老公嘅至爱都系花生酱奶昔，但可惜佢已经停售了）同埋炸薯条。
炸洋葱圈蘑菇牛肉汉堡：炸洋葱圈份量好少，得几粒，虽然炸得好香口，但佢唔脆之余仲淋淋地，有点失望。蘑菇份量亦好少，干身同味道麻麻。牛肉有好香嘅肉味，但欠肉汁亦比较干身。反而我钟意佢包嘅质感同味道，好香好软身，亦有淡淡嘅甜味。芝士不过不失。酱偏少，所以成个包都比较干身，我要自己加啲茄汁落去。整体感觉还好，但性价比真系唔高。
炸薯条：一直都觉得Shake Shack嘅薯条麻麻，但食汉堡唔加薯条又好啲差咁啲嘢。炸薯条炸得好脆卜卜，但薯仔味真系欠奉，哩个系我唔太钟意佢哋薯条嘅原因，性价比较低。
奶茶味奶昔：奶昔系佢哋做得最出色嘅item，每次饮都令我有感动同Wow！嘅感觉，今次亦唔例外。以往我同老公都系饮开花生酱味，但哩只味已经成为历史了（心碎中）。无奈地拣咗佢哋新出无耐嘅奶茶味，贪佢够特别同地道。一试之下，咦？都唔错㖞！佢哋嘅奶昔果然有水准！奶昔好滑好厚身，奶味好香浓，令人好满足。佢嘅奶茶比较似英式奶茶，淡淡嘅茶香加淡淡嘅清甜，而唔系港式茶餐厅饮开𠮶种。虽然好味，但我哋最爱还是花生酱味⋯
19 浏览
0 赞好
0 留言
张贴
