Le Viet

营业中

休息中

有次同朋友去the one睇戏，佢话呢度嘅泰国野同隔离嘅越南野都几好味，当日我地最终食左泰国菜。今日lunch time黎到the one，亦终于试下朋友口中呢间好味越南菜 - Le Viet。简简单单，点左一客大虾菠萝饭($78 set lunch; 单点$88)，加多一个小食 - 牛油鸡翼($68)。饮品方面当然唔少得正宗越南滴漏咖啡(单点$34)。牛油鸡翼绝对系惊喜之作。首先五只鸡翼都十分之肥美，肉质嫩滑。外皮炸得刚刚好，牛油味香浓，带有点点蒜蓉味，却又唔会盖过主角之一嘅牛油味。朋友表示油腻左少少，可能系我个人太中意食鸡翼，但呢个真系诚心推介。之后上枱嘅系大虾菠萝炒饭，三只大虾眼仔碌碌咁望住我地。呢度同泰国菜中嘅菠萝炒饭用料有少少唔同(?)，主要系三色豆同红肠。红肠有点抢味，炒饭都系配肉松先最夹。越南咖啡之所以有如此特别嘅饮法，其实系因为佢地嘅咖啡豆冲出黎嘅咖啡比一般苦涩，要加炼奶中和佢嘅苦同埋酸味。滴滤速度要精准，味道先会够浓郁但又不至于苦涩。欣赏咖啡由咖啡壶徐徐滴下，确实系一种享受。