添記法式三文治

营业中

休息中

之前提过影帝张家辉喺一套电影里面提过能够专心做好一件事就会成功， 添记就以用心制作嘅越南法式三文治卖到街知巷闻。 小店坐落于佐敦渡船角一条小街上，虽然位置偏僻但每次都见客人光顾不断，除本地客外近年自由行嘅旅客都唔少。 其实店只卖独孤一味三文治无任何选择，客人只可选大或小size，点解仲吸引咁多客人帮趁呢？ 原因就系店主制造认真同一直保持水准。店只有二人或有时一人，接order后就将各样肉类包括扎肉、嚼肉和猪蹄肉(我肉眼睇到3款肉唔知仲有无其他)放入法包里面，喺包表面喷水后就放入焗炉烘焗几分钟，出炉后加入腌制过带少少酸味红萝卜丝， 法包面松脆无比，我已好小心食但咬一口就成手成身都系面包碎，可想而知有几脆啦。 夹咗肉至烘能够令肉从室温加热，出炉时微暖唔会过热。 材料配搭出色食落有层次，味道调较得恰到好处，喜欢辣的话可要求加鲜辣椒。 虽然排长龙，但店主并无粗制滥做预先整定，而系接一个order做一份确保新鲜。 多谢店主对出品嘅坚持同对客人嘅尊重让客人每次都可以品尝美食法式三文治。