第一郡 (已結業)

同个friend睇完戏，行过天后，见到有间越南餐厅，佢话想食越南法包，所以入去食个 late lunch.睇完menu, 个friend目标明确，当然系食越式法包，加个牛油果沙冰，同埋班兰绿豆糕做甜品，真识食。正当我未有头绪时，老板介绍我一样连update嘅新产品，顺化牛展米线，听落唔错，即管试下，我再加多杯青柠梳打。饮品先到， 牛油果沙冰，透心凉，牛油果味够，唔太甜。青柠梳打，糖水底多啲，甜左啲。班兰绿豆糕，好烟艮，班兰味好香，好好味。至于法包，包好松脆， 酸菜好开胃，扎肉咸左啲，整体呢讲，都算唔错。老板介绍嘅米线，又真系几好味，汤底酸酸甜甜，仲有少少辣，配埋牛展，扎肉，猪手，相当好味，我觉得啲香草洋葱太多，有啲喧宾夺主。不过第一食顺化食物，觉得真系唔错。