Lúa (已結業)

Lúa@东角道经常行过铜锣湾，都冇为意世贸附近有间咁靓嘅餐厅。呢间双层既越式餐厅，绝对可以作为一个打卡热点。成间餐厅都有着浓厚嘅越南风情，环境阔落舒服配搭唔少越南特色物品嘅布置，喺阳台中布满七彩缤纷嘅灯笼，令人好似置身系越南会安既灯会。每逢周末仲会有驻场Live Band既表演，带比客人一个放松既环境。除咗环境，佢嘅Menu比一般越南餐厅独特，可惜食物方面我哋都细食就试唔到太多嘢~🍹The Screwdriver 呢间餐厅其中一个特点系佢有好多唔同种类嘅Cocktail提供。我哋就试咗其中一种，佢嘅酒味就唔算特别重，所以算系好易入口。饮落反而系果味出啲清新啲，所以要小心不知不觉饮得太多。🍜猪汤檬 呢个汤檬入边有齐各种唔同嘅猪肉配料，例如有猪扎肉、猪耳扎肉、炸猪扎肉、猪肋骨、猪肉丸同猪肉碎。材料够晒丰富，食落够晒饱肚。汤底唔算好浓，但就好有蒜香味。🍲生牛肉杂锦汤河佢嘅汤底好浓同埋冇乜味精嘅感觉，牛肉生熟程度啱啱好、好嫩口，入便都有多种牛肉配料，包括牛腩、牛柏叶、牛肉丸等等，俾你一次过试晒唔同嘅味道。🍡自选串烧拼盘串烧拼盘可以俾你自由选择唔同嘅越南风味串烧，我地就拣咗牛丸、猪腩肉、自制牛扎