品越越式料理 (雅蘭中心) (已結業)

是日去旺角上完堂，去雅兰途中仲谂紧去边到食越南野，一抬头就见到品越，一于试试佢！原来品越唔系普通越南野咁简单，应该系加左少少fusion成份，感觉有啲新奇！中意试新野既朋友，就即刻叫个烧呑拿鱼伴青芒果青木瓜沙律试试功架，而我就比较稳阵，叫番平时食越南野会叫嘅：牛油鸡翼！饮椰汁！食串烧！讲讲我最中意嘅牛油鸡翼先，一客有4只，每只鸡翼上都包住一层脆浆皮，又唔算好厚（个人喜欢食脆浆皮），一啖咬落已经食到劲香牛油味，肉质嫩滑，好似好少炸到咁脆都仲可以保持呢个水准，同埋佢啲鸡翼size都几肥大，啖啖肉感觉好爽！一人食得两只系完全唔够㗎！而烧呑拿鱼伴青芒果青木瓜沙律，我都几中意佢个烧呑拿鱼，外面少少熟，上面有千岛酱同新鲜柚子肉，一嘢放哂落口，既食到呑拿鱼肉嘅鲜味，千岛酱令鱼油无咁油腻，新鲜柚子肉好清新，酸甜味令胃口大开，忍唔住一旧接一旧。而隔离嘅青木瓜沙律份量虽然好似好少，但以前菜黎讲真系啱啱好，吃得太多又怕食唔落之后嘅嘢。最后我地两个女仔仲叫多个芒果黑糯米饭！香浓椰汁配埋黑糯米，食完超满足啊！