影片
更多
2021-02-17
3698 浏览
用咗多年嘅电脑卒之打柴，所以，走落深水埗「高登」砌番部迷你电脑，反正都喺用𠮶几样基本嘢，唔需要砌到好劲。预一个钟返嚟推机就得喇，所以，就趁有一个钟嘅空档，周围揾地方食个下午茶兼挜吓时间。最后，嚟到「Pho Bo」，原来有个细细只字嘅中文名「越莱」，帮衬原因喺晌门口睇啲介绍牌时，啲下午茶餐都几抵食。走进铺内，装修简约，一室湖水蓝衬浅色木系枱櫈，最新色啲喺天花嘅吊灯灯罩。因为小弟前后都去过两次越南，对越南都有少许认识，如果无错嘅话，灯罩嘅外型喺以前越渔民网鱼嘅工具，实际嘅形状就更大、更长。估唔到都几多人，而且，啲枱櫈都拍得几密，近乎一张接一张，枱与枱中间黐块薄薄哋嘅胶板，亦唔算大块，都喺防疫上做做样。所以，佢叫我一个人坐墙边面壁位，但会搭坐另一个客晌隔离，我都喺话等一等张独立二人枱吧，反正今次我有嘅喺时间。虽然话喺下午茶时段，一样仲供应紧午餐，两者供应时间都去到6:00pm。故此，选择上都几花多眼乱。不过，由于入嚟前已选定某啲下午茶套餐，所以，烦少啲。原先谂住要「越南法式猪肝酱三文治」，但无货，继而改试「越莱过三关」，只需集中谂吓配咩小食，要檬粉定汤河。越莱过三关 $36虽然喺几十蚊货，但
走进铺内，装修简约，一室湖水蓝衬浅色木系枱櫈，最新色啲喺天花嘅吊灯灯罩。因为小弟前后都去过两次越南，对越南都有少许认识，如果无错嘅话，灯罩嘅外型喺以前越渔民网鱼嘅工具，实际嘅形状就更大、更长。
估唔到都几多人，而且，啲枱櫈都拍得几密，近乎一张接一张，枱与枱中间黐块薄薄哋嘅胶板，亦唔算大块，都喺防疫上做做样。所以，佢叫我一个人坐墙边面壁位，但会搭坐另一个客晌隔离，我都喺话等一等张独立二人枱吧，反正今次我有嘅喺时间。
虽然话喺下午茶时段，一样仲供应紧午餐，两者供应时间都去到6:00pm。故此，选择上都几花多眼乱。
不过，由于入嚟前已选定某啲下午茶套餐，所以，烦少啲。原先谂住要「越南法式猪肝酱三文治」，但无货，继而改试「越莱过三关」，只需集中谂吓配咩小食，要檬粉定汤河。
越莱过三关 $36虽然喺几十蚊货，但制作都好有诚意，除咗金边粉、小食拼盘，就连鱼露、金不换、芽菜、青柠……等等都跟足提供埋，唔会话收得平，就「求求其其」。
餐牌中嘅鸡丝芽车快沙律原以为喺一份份咁上，其实，喺夹埋咗越莱精选拼盘一碟过，怪不之得睇起嚟个拼盘超丰富咁样。但好老实，用料无欺场，菜丝夹脆，除鸡丝，仲有啲鱼仔干，整体酸香清爽。
而拼盘，就有炸春卷、蒜香牛油鸡翼、烧带子明虾凉拌茄子，各有特色，唔会喺啲普通嘢。味道亦好唔错，春卷炸得甘香脆口，鸡翼好有蒜香味，带子亦大大粒，茄子软滑，几款嘢都够晒味，唔需要点任何酱汁。
招牌牛骨汤檬粉虽然因下午茶餐而俾嘅喺迷你份量，其实，实际都有唔少，最重点喺个汤真喺好得，清得嚟好香，檬粉亦好滑溜。
热柑桔蜜天气寒寒哋，就唔改照跟餐饮热柑桔蜜，否则，可以加$2转其他热饮，加$3就转冻饮，加$8就转特饮。柑桔蜜入口颇滋润，而散发出浓浓嘅柑桔清甜味，饮到尾，就见到杯底有好多柑桔肉，果然好坚，喺唔用现成糖浆。
初头谂住食完再坐吓，等到有机攞，不过，眼见不断有新客，所以，都唔好意思打趸打得太耐，就晌深水埗一带周围兜吓。
张贴
