滿江紅 (已結業)

朋友非常喜欢辣，所以我哋拣咗食川菜。呢间餐厅位于尖沙咀，地点非常方便，而且装修又靓仔，入到去格调优雅，靠窗边有卡位，坐得好舒服。而且摆设布置都好有特色，非常适合食饭吹水。呢度既招牌菜系水煮鱼，当见到水煮鱼既图片，你就会明白点解餐厅叫满江红。我们见到啲辣椒多到满泻咁带，吓到连识开辣嘅frd都怯一怯，最后都系拣咗酸菜鱼。酸菜鱼非常大盘，啲汤辣中带辣，好惹味，桂鱼煮得好滑，而且份量都好多，连汤一齐食非常好味。宫保虾球辣辣地，带出咗虾嘅鲜味，虾球炒得好爽，好弹，而且好大粒，啖啖肉。配料啲花生都好脆，好麻，食到出晒汗。食完呢两样𩠌条脷已经麻都冇晒感觉，所以叫咗一碗担担面都要走辣。面条好Q，麻酱好香，挂在面条一齐食，非常好味。食完呢餐饭，个人又麻又出汗，好似做完运动咁，越食越兴奋。