越一越南牛肉粉專門店 (已結業)

放假求其落楼下食个lunch，劲耐无食过越南嘢，好挂住捞檬和米纸卷，而且餐厅仲做紧85折到今个月底，相当抵食。 值得一赞既系，虽然今日店面得1个员工，又要落单又要出餐又要收钱又要包外卖，十分忙碌，但佢既服务态度都很好👍👍 🐔烧鸡肉捞檬大大碗，鸡扒好大块又厚身，外皮焦脆，呈金黄色，食落唔柴。配菜份量亦唔少，有青瓜丝，白萝卜丝，红萝卜丝和生菜丝，仲有炸过既蒜片和花生，倒卖捞檬汁去捞均黎食，酸酸甜甜，相当开胃，既有蔬菜丝既清新爽口，又有蒜片花生既香口，令人好满足。 🍜头顿三宝汤河（猪扒🐖、鸡翼🐤、扎肉🍖）简左檬粉，配3件猪扒，2只鸡翼和2片扎肉，份量都唔少，卖相吸精，令人相当有食欲。猪扒肉嫩，扎肉Q弹，鸡翼多汁，而汤味道清甜。 🍲上汤萝卜份量多，有成6至7块左右，清甜无渣。唔会太过淋身，萝卜唔会散开。虽然简单，但唔马虎。 🥙扎肉米纸卷有2块，里面卷住青瓜丝，白萝卜丝，红萝卜丝，扎肉丝和粉丝。外皮够薄，口感丰富，清新爽口。 🥥椰青最中意饮椰青，既可以饮到椰青水，又可以食卖里面d肉。 🍹倒立芬达草莓沙冰三重享受，既可以饮到草莓味，芬达味，草莓芬达混合味。