影片
更多
2024-03-22
1945 浏览
那个ㄋㄚˋ ㄍㄜ˙ NAGE Taiwanese Cuisine📍大角咀埃华街116-118号地下8A号舖呢晚放工，我同朋友又去咗旺角睇开仓，点知再次无任何收获，失望嘅我正准备讲想返屋企嘅时候，朋友带咗我行好远好远嘅话揾食，话附近佢收藏咗好几间餐厅，想同我一齐食下。行下行下，我哋嚟到大角咀，揾咗一间又一间佢bookmark咗嘅餐厅，每间都爆满排长龙，我心情就越嚟越差，行到好攰于是我有对佢发少少脾气。不过好彩朋友非常包容我，无嬲我发忟外，仲带我食好嘢，所以我要喺度同佢讲多谢。嚟到人气高企嘅那个，同样店外排晒队，但见到门口贴住三月底结业嘅公告，我即刻收返晒啲脾气，唔想辜负朋友一片苦心，喺结业前带我一尝人气旺盛嘅那个便当。餐厅价钱佛心，餐品足料上盛，相信系吸引食客嘅主要原因。其中，又以外卖大杯装手摇只卖$10最为吸引，价钱同品质方面的确无得弹。不过唔知系唔系生意太多，做到员工都有少少脾气，所以见佢哋对某啲食客嘅态度唔太友善。明白忙起上嚟就容易燥底，但如果能提升服务态度，相信大家都会开心啲。提提大家，餐厅只收现金，想过嚟食记得袋定啲cash啦。 💰$68那个卤排骨便当 🐖🍱我嚟之前只系听过fo
📍大角咀埃华街116-118号地下8A号舖
呢晚放工，我同朋友又去咗旺角睇开仓，点知再次无任何收获，失望嘅我正准备讲想返屋企嘅时候，朋友带咗我行好远好远嘅话揾食，话附近佢收藏咗好几间餐厅，想同我一齐食下。
行下行下，我哋嚟到大角咀，揾咗一间又一间佢bookmark咗嘅餐厅，每间都爆满排长龙，我心情就越嚟越差，行到好攰于是我有对佢发少少脾气。不过好彩朋友非常包容我，无嬲我发忟外，仲带我食好嘢，所以我要喺度同佢讲多谢。
嚟到人气高企嘅那个，同样店外排晒队，但见到门口贴住三月底结业嘅公告，我即刻收返晒啲脾气，唔想辜负朋友一片苦心，喺结业前带我一尝人气旺盛嘅那个便当。
餐厅价钱佛心，餐品足料上盛，相信系吸引食客嘅主要原因。其中，又以外卖大杯装手摇只卖$10最为吸引，价钱同品质方面的确无得弹。不过唔知系唔系生意太多，做到员工都有少少脾气，所以见佢哋对某啲食客嘅态度唔太友善。明白忙起上嚟就容易燥底，但如果能提升服务态度，相信大家都会开心啲。
提提大家，餐厅只收现金，想过嚟食记得袋定啲cash啦。
[价钱 Price]
💰$68
那个卤排骨便当 🐖🍱
我嚟之前只系听过foodie朋友们提过，话呢间餐厅好受欢迎，经常大排长龙，但一直无研究过有咩招牌菜。落单时，因为唔想食太炸太热气嘅嘢食，所以我拣咗卤排骨便当。等上餐嘅时候先search到，原来系呢度人气no.1嘅餐品！
见到吗大家？块排骨唔单看大过个碗，仲大过我块面，上台时仲见到啲酱汁咋咋下，未食都已经甚感惊喜。最重要系佢无偷工减料，即使大大块都无刻意拷薄，有一定厚度。大大大排骨先炸至表皮脆口，再落镬用带甜味嘅酱汁覆盖整块排骨，表皮外脆内软糯，的确几好食。
便当有白菌粟米粒、味酱炒野菜、家常炒粉丝、玉子烧、甜酸菜等嘅配菜，份量足而且营养均衡，仲可以拣选饭量，性价比劲高！不过都有少少地方挑剔，大排骨食得过瘾，但好快感到饱腻，而且近骨嘅位置唔易炸透，所以肉色有少少粉红。
[价钱 Price]
💰$58
台南虾卷便当 🦐🍱
朋友比我更唔想食太炸太酥脆嘅嘢，所以佢拣咗台南特色美食—虾卷。我刚刚去𠮶转台南都好想试下地道嘅虾卷，可惜病咗食唔到，比较唔到两者嘅分别。但总括而言，虾卷口感爽口弹牙，表皮少少脆口，唔会过份油腻，亦有混入青豆等菜蔬，洒上椒盐后，台味十足，都不失为一个好选择！
张贴
