聯邦皇宮

营业中

休息中

母亲节到联邦食晚饭，book咗8点15分，点咗四个𩠌，其中一条多宝鱼差唔多20分钟先到，黎齐𩠌都已经差唔多8点45分，点知食饭食到一半，大约9点15分，几个侍应已经喺隔离系咁望住我哋啲碟，一食完就即刻收，去到大约9点25分，开始熄灯熄冷气，我哋𠮶时仲有少少𩠌准备清埋佢，但佢哋嘅态度好似已经赶紧客，拿拿林食埋9点半准时走人。临走时问佢系咪收9点半，佢哋竟然答我唔系，只不过啲客人自己走，即刻火都嚟埋，呢啲唔系叫客人自己走，而系你哋赶客啰好唔好？！呢间嘢啲伙计简直同老板倒米，咁样赶客法仲想人哋下次去帮衬？！我都知你哋唔忧做，但麻烦保持返最基本嘅服务态度先！