蟹點

营业中

休息中

系咪好食，就见仁见智。见到好多食评写得呢度好唔错。平心而论，其实唔差，不过不失。屋村价钱，大排档镬气，其实已经够杀。款式够多，亦系大家想要嘅野。适合一家大细，又适合几个男人蓝妹之夜。算系咁！所以捧场客唔少。见到呢度所有食评都讲蟹，我反而唔特别写太多。今次叫咗个咖喱软壳蟹，价钱ok，软壳蟹系新鲜炸嘅，连四块蒜蓉多士。尽情咁放咖哩系块多士上边。正！不过马拉盏炒通菜，有少少失色。一般。见人人都有叫卤水鹅，都叫一个卤水鹅片试吓。讲真，同啲真系做卤水店嘅嚟俾，真系有啲距离。卤水鹅，冇鹅味，肉质太实，一定唔系新鲜鹅做嘅。卤水亦只系得豉油嘅咸味，冇卤味。但系又系𠮶句，$168喺鸭脷洲嚟讲，份量算唔差。亦都有叫椒盐鲜鱿。同其他嘢一样，冇乜味道。呢一度最特别嘅嘢系，所有嘢食影出嚟个样都系唔差。不过就冇相关食物嘅鲜味。连油饭都系。