Masala Train (已結業)

今日夜晚要到湾仔会展，就决定早啲到，系附近揾间餐厅食个晚饭先，一出地铁站，就发现左呢间印度小店。 见到餐牌有我最钟意嘅卡巴，谂都冇得谂入咗去，哈哈。小店唔系好大，只有3个坐位，可以选择外卖或者坐高櫈都可以。man($58)卡巴系即叫即整，整好之后由锡纸包住，拎上手仲系热辣辣的，够晒新鲜。因为我想影相嘅关系，就叫咗店员帮我分成两半。卡巴入面有鸡肉，蕃茄，生菜，洋葱，青椒同酱汁。鸡肉经过香料腌制， 所以呈橙色，食落好惹味好香，最令我惊喜嘅系， 鸡肉口感好嫩滑，完全唔会鞋身！另外店员仲系卡巴入边加左好多酱汁，食落唔会干身，酸酸甜甜咁，够晒惹味，不过个人就觉得酱汁嘅份量可以少啲。另外我仲加左＄10，转成全麦饼皮，玉米皮口左烟韧，软身，带点甜味，大爱呢种玉米皮！作为一个胃口都唔细嘅人，食完咁足料嘅卡巴，都觉得有少少饱。系湾仔区，呢个价钱，咁足料，真系几唔错！绝对会再帮衬！Mango lassi($25)钟意芒果嘅我，另外叫左杯Mango lassi。落单之后，见到店员加上芒果同冰粒去打，芒果味好浓郁，带点乳酪味，仲隐约见到几粒芒果粒，饮落好rich。