影片
更多
2018-01-09
726 浏览
有时打得边炉多，都想试下啲新野，早几年都开始流行粥底火锅，有两间几有名嘅我地都试过，而且都几钟意，觉得价钱唔贵，又食到海鲜，只可惜而家愈黎愈难订位，加上分时段入座，有时比较难预时间，都有一阵子冇去帮衬。其实粥底火锅、打边炉自己喺屋企整都得，不过通常我地两口子，又要买又整又要洗，真系十分之麻烦，围番条数亦可能唔平。而且人少，买料都唔方便，出街食分分钟仲划算。当然啦，自己买料点都靓啲新鲜啲，不过最近试左呢间都可以餐厅位于砵兰街，本来见过啲照片，店面唔算好大，近日天气冻，可能火锅较受欢迎，都怕冇位，去到先知原来佢地有两层，哈哈，位置唔算话好多，但都未至于太逼。2层楼底唔算高，不过食完都唔会好大阵味，抽风做得不错。装潢简约，有卡位，上层以细枱为主，电炉系崁入式，比较安全。唯一如果有部电视机仔有啲声听下更好，好似我地老夫老妻有时唔系话太多话题都想电视汁送饭。餐牌供应粥底火锅，一个价钱，定价$198/位，1)首先自选粥底：粟米、甘荀、紫薯、椰子；2)六款时令海鲜；3)五款精选配料；4)三款自选配料。拣完粥底、配料，店员就好快送上沙律、酱油。粥底方面我地拣左粟米、椰子，其实两个粥底味道差唔多，见过有
餐厅位于砵兰街，本来见过啲照片，店面唔算好大，近日天气冻，可能火锅较受欢迎，都怕冇位，去到先知原来佢地有两层，哈哈，位置唔算话好多，但都未至于太逼。2层楼底唔算高，不过食完都唔会好大阵味，抽风做得不错。装潢简约，有卡位，上层以细枱为主，电炉系崁入式，比较安全。唯一如果有部电视机仔有啲声听下更好，好似我地老夫老妻有时唔系话太多话题都想电视汁送饭。
餐牌供应粥底火锅，一个价钱，定价$198/位，1)首先自选粥底：粟米、甘荀、紫薯、椰子；2)六款时令海鲜；3)五款精选配料；4)三款自选配料。拣完粥底、配料，店员就好快送上沙律、酱油。
粥底方面我地拣左粟米、椰子，其实两个粥底味道差唔多，见过有啲人话粥底淡，个人认为淡系正常的，如果一开头俾个打边炉汤底你，你再渌完野食，到最后个粥底应该会咸到唔食得，所以佢地两款粥水都只系有好清淡嘅味道。不过点椰子要留意，因为到最后收干水，食粥时会食到好明显嘅椰丝口感，唔系个个钟意。
六款时令海鲜/2人份：今日有一只蟹、虾四只、鲍鱼两只、贵妃蚌、花甲、沙白，都几丰富，一般粥底火锅都系呢几款海鲜，虾、蟹基本上好必需，否则粥水冇鲜味。一上枱，成个海鲜盘都几有份量我地急急脚影完相就开始食，约莫两个粥底，都分别落啲海鲜。呢几款都好易预时间，蟹约十分钟，虾、蚬类见到转色、开壳就食得，鲍鱼就真系要留意住，怕耐左会韧。
蟹唔算好大只，几好肉地，一人半边，唯独如果多啲膏会更好，因为到时粥胆会更加鲜甜。虾虽然唔系生嘅，但都食得出非常新鲜，肉质弹牙。
贵妃蚌清得几干净，可以轻松原粒食，味道鲜甜至于花甲都层于花甲王，一人两只，吐沙干净，肉质饱满。沙白整体都可以，唔会太细粒，但个别有两粒有沙，可能店家要再多加留意。
鲍鱼已去肠，咁渌嘅时候唔好放个壳，又会容易熟啲，又唔怕个壳污糟啰。
五款精选配料/2人份：有美国黑豚肉、迷你拼盘（入面有啲鱼蛋、墨丸、饺等各两粒）、萝卜、粟米、鸡脾菇、娃娃菜，呢个拼盘系餐厅预备的，入面都系人头份量，唔会好多，但够食。
黑豚肉有三片，都系卷起左，其实几大块的，冰感略重，但唔会太肥腻。丸类饺类size细粒，质素正常。至于萝卜、粟米、鸡脾菇全部都似切成薄片，方便煮熟，因为个系一人炉，太大旧都会阻住。萝卜好快熟，粟米鲜甜，不过两人份都系等如半条。
六款自选配料/2人份：本来系每人三款，因为我地有两个人，所以就可以拣六款。咁我地拣左肥牛、鸡脾肉、云吞、芝心丸等，质素都不俗，当然同散点嘅火锅店质素唔同，毕竟呢度收费唔高，但性价比都不错。
食到差唔多尾声，店员会帮我地加少少南瓜、芋头粒，令粥底更加鲜甜。然后佢再加入粥胆，大约两大匙更。咁佢提示我地等粥底滚起就可以食得。粥底因为渗入海鲜鲜味，加上其他配料例如肉类、菜嘅味道，都会几好食，粥够绵，份量不少，食哂都好满足。
餐牌：
张贴
