影片
更多
2018-12-08
55 浏览
唔痴家嘅我，收工都要揾朋友们黎chill 下先安乐，天气开始转冻，最岩就打我至爱嘅边炉。今次由朋友带路去左豉油街揾食，呢间餐厅嘅系一人火锅「汤。米」。平常食火锅一定要一班人先去食到，如果唔系都几重皮，试过两人去食散叫边炉埋单都要6百人头，仲要样样一大碟食到唔想食，一人边炉确实系解决左呢个问题。餐牌唔选择唔多，小食介乎$2-38蚊左右，而火锅有9款汤底选择介乎$98-112左右，每个锅都会配白饭/粉丝，都算几实惠。而饮品方面，呢间嘅特式系佢旁边有一个角落系做手调饮品，饮品都有成三十几款，仲有家阵最hit嘅芝士奶盖。韩国泡菜锅 $112 🌶 - 呢个锅好丰富，应该唔需要配饭就已经好饱肚喇，汤底微酸微辣。香辣牛肉锅 $108 🌶🌶- 辣妹嘅我又点会唔叫辣呢，味道够浓，唔需要再加点其他酱汁。重口味首选。泰式海鲜锅 $112 🌶- 呢个价钱，有大虾，蚬，青口，份量唔算少。汤底辣度唔算强，唔食得辣嘅朋友都食得到。沙茶牛肉锅 $108 - 朋友话汤底非常重沙茶香味，非常满意。卤肉饭 （餐加$12）- 猪肉肥瘦适中，卤肉汁当然系白饭良伴啦小香肠 $28 - 系肥仔最爱嘅邪恶小食柚子蜜鸡翼 $26 -
今次由朋友带路去左豉油街揾食，呢间餐厅嘅系一人火锅「汤。米」。平常食火锅一定要一班人先去食到，如果唔系都几重皮，试过两人去食散叫边炉埋单都要6百人头，仲要样样一大碟食到唔想食，一人边炉确实系解决左呢个问题。
餐牌唔选择唔多，小食介乎$2-38蚊左右，而火锅有9款汤底选择介乎$98-112左右，每个锅都会配白饭/粉丝，都算几实惠。
而饮品方面，呢间嘅特式系佢旁边有一个角落系做手调饮品，饮品都有成三十几款，仲有家阵最hit嘅芝士奶盖。
韩国泡菜锅 $112 🌶 - 呢个锅好丰富，应该唔需要配饭就已经好饱肚喇，汤底微酸微辣。
香辣牛肉锅 $108 🌶🌶- 辣妹嘅我又点会唔叫辣呢，味道够浓，唔需要再加点其他酱汁。重口味首选。
泰式海鲜锅 $112 🌶- 呢个价钱，有大虾，蚬，青口，份量唔算少。汤底辣度唔算强，唔食得辣嘅朋友都食得到。
沙茶牛肉锅 $108 - 朋友话汤底非常重沙茶香味，非常满意。
卤肉饭 （餐加$12）- 猪肉肥瘦适中，卤肉汁当然系白饭良伴啦
小香肠 $28 - 系肥仔最爱嘅邪恶小食
柚子蜜鸡翼 $26 - 炸得外皮香脆，但肉质都保持多汁嫩滑，同柚子蜜味道匹配。但如果柚子汁拌匀就更好喇。
芝士茶茶八号 - 芝士奶盖份量足（占全杯1/3）味道亦不输比外边饮品店，咸甜比例洽好。今次我叫嘅系少甜。
芝士莓莓 - 朋友叫嘅，呢杯更高身抵饮，味道微酸。
满杯菠萝 - 都系朋友叫嘅，朋友话菠萝味好香，杯里有加菠萝粒粒更有手感。
总括黎讲，以人头百云零左右，可以满足到2个愿望，每款火锅都有心思配埋唔同嘅配料，加上有埋手调饮品做选择，的确系抵食嘅。系平价版口袋边炉餐厅
张贴
