火鍋本色 (已結業)

讲起同朋友去聚餐多咗，其中原因一定系晚市开返，自然多番出嚟去食晚饭，今晚约埋几个好友一齐去咗食火锅，地点系铜锣湾骆克道呢座The L.Square 6楼火锅本色，餐牌除了各式各种火锅配料，仲有款聚一聚超优惠套餐，视乎人数分别有三种餐牌各有特色，已包括多款是日海鲜、肉类、特色丸、云吞饺类等，响铃卷，炸鱼皮、稻庭乌冬、田园杂菜篮等，连同一壶甘笋汁竹蔗水，唔驶谂来谂去一于点佢品尝一下，至于汤底方面都有八款口味供应，仲可以免费转双拼汤底，番茄薯仔猪骨汤同马来沙嗲汤底准备好，各款火锅配料逐一送上，先有系海鲜类有鲍鱼爽弹丰厚、蛤、蟹肉又有膏，圣子够鲜甜，生猛海虾食落有惊喜保证新鲜，之后到本色极品手切牛，入口肉质鲜嫩，油脂平均肉味香浓够晒滋味，再来炸酿油炸鬼、外脆油炸鬼酿虾胶肉口感饱满，接住另一轮美食有自家云吞同水饺用料十足又多汁，芝士爽虾丸入口啖啖流心，再食埋田园杂菜篮，之后有树记紫菜响钤卷食落香脆松化，炸鱼皮又脆卜卜，火锅配料仲有冰豆腐同粉丝吸叫沙嗲汤精华特别入味，食埋个稻庭乌冬已经满足，最后甜品系雪糕糯米糍，又一边继续食住倾偈渡过一餐美味火锅。