麻辣風雲 (荃碧大廈) (已結業)

唔知大家有几耐冇喺香港食酸菜鱼呢？自从好耐无返过大陆，就好少喺香港食到酸菜鱼🥺 上个月，朋友带咗我去食一间喺荃湾嘅川菜馆，不单止有酸菜鱼食，仲要系黄店添呀！之后睇返，原来间野系ToNick嘅恒仔有份开嘅😳虽然去食川菜，但系竟然见到我最爱嘅鸡丝粉皮，当然都要嗌返份食🥰 估唔到佢嘅鸡丝粉皮同一般喺上海舖食嘅唔同，佢嘅酱汁并非只有麻酱同花生酱，仲加咗少少四川辣椒，食起上嚟有川菜嘅味道，辣辣哋咁，好惹味！ 而鸡丝、青瓜同粉皮就正正常常，最出色嘅都系佢个酱汁😚嚟到呢度，几乎每一枱都会嗌酸菜鱼，似乎系呢度嘅必食招牌菜😋 而我哋亦都嗌左一份，份量非常大！里面除咗鱼块之外，仲有唔少料，有豆卜、莴笋、芽菜同宽粉😌 食酸菜鱼我习惯咗会饮几啖汤，不过佢个汤就偏油腻，但系就好重麻味，会令人越饮越想饮🤩 啲鱼嘅份量真系几多，食极都有，仲要几滑添！另外，见到佢个粉丝焗蚬做紧推广，只需要加$8.8就有一小份，份量虽小，但系又几好食㖞🤤 啲蚬虽然细细只，但用辣椒同蒜焗完之后非常惹味，而啲粉丝煮得啱啱好，同样都系非常入味😍 呢道菜如果有正常份量就好啦，啱晒我呢啲重口味人士😛我哋为咗解辣，仲嗌左菊花蜜饮，估唔到佢系用一个