你妳 (運通洋樓) (已結業)

今日食台湾菜，叫左个芝士玉米蛋饼，蛋饼好足料都好够味，好有地道台湾风味! 夜市盐酥拼盘其实都几抵食，入面有盐酥鸡，虾卷，甜不辣，四季豆。个人觉得甜不辣最好食! 盐酥鸡系做到一口size，食落好方便。台湾士林香肠最特别系佢个酱，重蒜！干拌面有少少豆辨酱系面，食落少少辣，仲有只溏心蛋。卤肉饭原来都几大碗，本身仲以为系细细碗个D，肉燥既肉系细细粒，唔洗点咬咁就可以直接捞饭食。野饮方面，叫左杯炭培乌龙珍珠奶茶，茶底几浓。芋泥,珍珠小芋圆好重芋头味，仲系可以咬到一啖啖既芋头蓉，好饱肚。