潮食 (順欣花園) (已結業)

鸡蛋仔款式特别，石磨肠粉配搭亦新颖，推介手撕鸡肠粉！今日闲日下午都有唔少人等紧，即刻快快手落单，叫咗朱古力味鸡蛋仔，系外皮朱古力色入面有朱古力粒嘅鸡蛋仔，而佢哋有夹心朱古力鸡蛋仔系整嘅时候将鸡蛋仔唔反转但中间放朱古力酱再对折，下次一定试吓呢个极邪恶版本朱古力味中间朱古力粒半溶正！唔会太甜，外脆内软👍🏻然后点咗手撕鸡肠粉，仲可以好似平时食肠粉咁选甜/麻/辣酱，但由于我点手撕鸡味觉得麻酱最夹，净系要咗麻酱佢亦会配盒豉油，豉油系调味过唔会过咸，配合肠粉好好食😋肠粉口感唔错，虽然唔系平时个种平滑状态，但口感仍然系滑同有种米浆香甜味，手撕鸡系沙姜味咸咸地配麻酱同豉油真系超正！值得一试👍🏻