Lockeroom Dining (朗晴坊) (已結業)

虽然我本人唔系球迷，不过陪球迷朋友黎，都能感受到佢嘅兴奋，环境真系好特别，好适合球迷😆如果唔系球迷朋友，我可能一世都唔会知道呢间楼上cafe🤣好彩朋友book咗枱，估唔到平日夜晚都full🤣夜晚有set dinner，选择都几多㖞，差唔多20款，我哋拣咗2个套餐，套餐包汤、沙律、蒜蓉包同嘢饮，都几丰富几抵㖞👍🏻首先蒜蓉包够脆，汤有少少辣，不过好开胃，应该系南瓜洋葱汤，个沙律好正，入面嘅爆珠好好味，应该系蜜桃味，甜甜地，冇谂过可以配沙律食都咁夹🤣澳洲草饲牛柳蒜香意大利扁面，$168牛柳都几大块，大概7成熟，啱啱好，易入口，慢慢嚼会越嚼越重牛味，配埋个汁味道啱啱好，不过啲面因为浸系啲汁度，就略咸，胜在蒜味够重，好香。炭烧美国1855牛肋排蜜糖烧汁，$188其实唔知1855系咩，不过份量好足，足足有3块牛肋排，牛肉都够嫩，不过味道都略咸，加埋配菜食就啱啱好，配菜有羽衣甘蓝同紫薯，感觉又靓又健康。叫套餐可以6折享用甜品，我哋梗系唔会放过机会，叫咗即制梳乎厘pancake，呢个好好味呀，好滑好软，配埋一球dreyers嘅雪糕，正。pancake入口即溶，有蛋味，好香，下次去都会再叫😊满足的一餐，