齋啡 (已結業)

平日放假拣左呢间bookmark左好耐的斋啡，Cafe都算近地铁站，佐敦站行过去大约10分钟，系正马路旁，左右两旁无咩其他商店，多左一份宁静的感觉。餐厅系自助形式，落完单自己去隔离舖揾位坐，坐位间采用日本风木系，周围放有朝花同芒草，令人望落好舒服。门口同个小千秋都好啱打卡📸🔸纯素三文鱼、呑拿鱼牛油果沙律碗🥗好似近排好兴既Poke Bowl不过佢既三文鱼、呑拿鱼粒粒系用蒟蒻整既，色彩缤纷，加左醋汁，好睇又好食😋🔸三色墨西哥夹饼🌮一拎到都几惊喜，无谂过咁大份，有三款夹饼，牛油果呑拿鱼沙律、大啡菇、Impossible meat肉丸，除左呢啲配料之外，仲有沙律酱同生菜/波菜垫底，口感好丰富。🔸柠檬蛋糕🍋红丝绒蛋糕 🍰呢间既纯素蛋糕好好食，我好钟意😛甚至乎觉得正过主食😚蛋糕质地比较实啲，唔会好甜，柠檬味𠮶个好好食😋🔸Iced Latte、Banana Mango🥭🍌饮品方面都好多选择，我当然要点一杯每日必饮既咖啡，奶底餐厅用左Oatly燕麦奶，口感顺滑。朋友唔饮咖啡就拣咗杯Smoothie，口感细滑，夏天饮一定仲正🤪香蕉味重啲，唔系好饮到芒果味🙈🥤