任你點車仔麵 (已結業)

今日陪同事去深水埗买野，突然心血来潮想食车仔面，点知见到「文X」好多人排队。立即转战其他地方，见到有一间系附近，叫「任你点」。见外面既餐牌唔错，决定试试！款式算多算唔错！我叫左3个𩠌，腩肉，大肠，水饺。腩肉有3大块，好足料，仲要系厚切。大肠算几入味，又干净。最后到水饺，好足料，皮唔太厚，似系自己包的。之后仲加多个墨鱼饼，无咩炸粉，好真材实料！但系原来佢地最出名系花胶，下次黎一定要试一试，听讲好足料！