南國小喫

营业中

休息中

闲时无聊经常会逛钻石山荷里活广场，见住这间「南国小吃」装修，打住港式加d台式小食嘅旗号，睇落都几鬼吸引，等等下终于见开张，于是决定买返样嚟试试。食物种类都叫多，有鱼蛋烧卖、串串呢d大路嘢外，仲有各式捞丁、三文治、车轮饼，实行总有样嘢食啱你胃口，光顾当日饱饱哋，于是买个车轮饼试试就好。车轮饼($12)有不同口味：红豆、豆士、香芋、紫薯等，价格上唔算平，不过size就比其他类近食店所卖的大些少。我们叫了个吉士味车轮饼，由于食店每次会做起一轮，所以唔算即叫即做，不过拎起手时都仲热辣辣，皮无咩特别，唔算太松化，亦唔叫厚，吉士馅就叫几香滑，但咬一大啖后会流出，系街食就唔系咁方便。总括而言，12蚊一个车轮饼嚟讲，算是不过不失咁！值得一提的是，可能光顾当日是刚开张不久，食店工作流程未算好流畅，例如点餐指引唔算清楚，取餐显示板又无keep住updated叫到几多号，这些方面都有待改善。