軟橋米苔目餐廳 (已搬遷) 新店位置

不嬲都知深水埗好多好野食，平时多数去某几间好多人排队既老店，今日想试下新野，见到呢间小店睇落都好吸引。而且虽然听过，但未试过米苔目，一于试下先。一入到去，老板娘就好有礼貌咁介绍野食，非常热情，果然小店就系人情味最多。佢既米苔目有好多唔同既𩠌，唔胆既汤底拣，睇到我花多眼乱呀。我就叫左个韭菜饺，丝瓜，海带，牛肉米苔目。一上台就见到成碗超丰富啦，牛肉好重牛味，又唔会太硬。韭菜饺都好正，个皮够薄，入面既韭菜都好香。原来米苔目系好似银针粉同狗仔粉咁一条条，但系口感有啲唔同，咬落比较有层次感，食落更好味，衬埋个汤底简直一流呀。呢碟麻辣牛肉又系超香口，辣得岩岩好。而且佢既辣味唔会盖过左牛本身既味，食落劲开胃呀。蒜泥白肉都好出色，够蒜，而且肉切得够簿。虽然食完会成口蒜味，但都忍唔住食哂呀。呢个皮蛋又系好够味，食落味道岩岩好。呢间餐厅真系又平又好味，劲平既价钱就有一流既食物同服务，老板娘同员工既态度都劲好，呢d就系小店应有既人情味！决定下次一定会再黎食，真心推荐大家黎试下呀。