咖啡灣 (荃灣千色匯) (已結業)

喺荃湾睇完中医，去咗咖啡湾食埋晚饭先返屋企。好彩时间都算早，唔使等位；离开𠮶阵已经八点半，出边已经有几台客等紧，估唔到星期三都咁旺。的而且确食物质素系唔错嘅。软壳蟹可为呢间餐厅嘅名物，绝对值得一食。今次食咗软壳蟹沙律(HKD88)，有三款酱汁可以拣：凯撒沙律/芝麻沙律/黑醋沙律，今晚拣咗芝麻。日式芝麻酱香味好够，配埋香脆嘅烟肉粒，同沙律菜完全冇违和感。软壳蟹系新鲜炸起，油炸嘅香脆同蔬菜爽脆，以及烟肉嘅卜卜脆好夹，系一试难忘。主菜拣咗墨鱼汁带子义大利面(HKD98)。黑掹掹嘅墨汁意大利粉，配埋被染黑嘅带子，卖相唔算特别吸引，但味道可口。食完当然成口污糟，如果同唔系好熟嘅朋友食饭，建议都唔好食呢碟呀，因为好容易出丑。饮品就试咗新品金莎朱古力拿铁(HKD38)。朱古力味特别香滑，而且内有粒粒果仁，很有质感。味道令人觉得清新舒畅。上面的拉花就是一只天鹅，大概与餐厅的英文名cafe swan有关。餐厅装修很女性化，难怪所见食客都系女性为主。