西樹泡芙 (旺角站)

营业中

休息中

以往都有帮衬过旺角地铁站呢间西树泡芙分店，成日去旺角搭地铁嘅人应该都知，呢间泡芙店嘅香气都几劲，一落地铁站就会闻到泡芙香，每次都引到人好想买嚟食。因为当日有同事系旺角工作，返去个阵就外卖西树泡芙比大家食，下午茶又有着落啦。呢间店嘅泡芙选择都算多，有水果款、大热抹茶、特浓朱古力个类，每次都拣到选择困难症发作。今次试下意大利芝士泡芙，第一次食呢只味。-意大利芝士泡芙＄25呢款泡芙外层唔系原味泡芙咁简单，仲有朱古力脆脆包围住，口感比一般泡芙更加丰富。而夹心嘅忌廉主要用意大利软身芝士制成，面头有洒上些少咖啡粉，旁边亦插住手指饼干。夹心整体都尽量还原tiramisu有嘅元素，忌廉颇香滑，唔会太重牛油腻感。加上有咖啡粉，配上朱古力泡芙，个感觉都几夹。不过我自己就觉得手指饼干有点多余，同成个泡芙融合唔到。