影片
更多
2024-09-04
2495 浏览
同老婆晌红磡啲殡仪馆出席完安息礼拜，就专登落嚟红磡揾食，因为晌德民街附近一带有非常之多餐厅，选择多又经济实惠，加上近黄埔站，走又方便。行到近黄埔呢边见到有间「铭兴山西刀削面」，有少少印象就喺几年前晌大角咀食过一次，都成九点几，望入去里面坐满人，证明餐厅有料到啦！餐厅呈长型，一内进就一眼睇晒成间餐厅，装修简约，灯火通明，一边墙身挂上玻璃，增加空间感，小挂灯令环境变得雅致好多。对比起大角咀店，呢度就睇唔到师傅整刀削面喇。出面仲有个自助区，自己斟热水洗吓餐具，又或者攞啲酸萝卜食吓，啲酸萝卜仲喺任添，店家够晒慷慨，绝对无斤斤计较，而且，啲店员服务几好，又有礼貌，仲无服务费添。餐具、牙签、糖包晌枱侧柜桶，自由取用，如果有放啲纸巾就仲好。大大本餐牌睇落选择非常之多，不过，初头睇嘅时候你可能会觉得有啲乱，但细心研究不外乎喺上汤、冷拌或热拌刀削面，以及多种小食、特色推介……等等，所有主食都包热饮，但可以加钱转配。荔枝虾球 $45打开餐牌第一版有啲新品推介，见呢个荔枝虾球得意㖞，试试无妨。卖相真喺几特别，几似荔枝，虽然唔知外层𠮶啲喺乜，类似旺旺仙贝咁，一口咬落去外壳好脆口；里面嘅虾胶就打得好弹牙，又有虾
餐厅呈长型，一内进就一眼睇晒成间餐厅，装修简约，灯火通明，一边墙身挂上玻璃，增加空间感，小挂灯令环境变得雅致好多。对比起大角咀店，呢度就睇唔到师傅整刀削面喇。
出面仲有个自助区，自己斟热水洗吓餐具，又或者攞啲酸萝卜食吓，啲酸萝卜仲喺任添，店家够晒慷慨，绝对无斤斤计较，而且，啲店员服务几好，又有礼貌，仲无服务费添。
餐具、牙签、糖包晌枱侧柜桶，自由取用，如果有放啲纸巾就仲好。
大大本餐牌睇落选择非常之多，不过，初头睇嘅时候你可能会觉得有啲乱，但细心研究不外乎喺上汤、冷拌或热拌刀削面，以及多种小食、特色推介……等等，所有主食都包热饮，但可以加钱转配。
荔枝虾球 $45打开餐牌第一版有啲新品推介，见呢个荔枝虾球得意㖞，试试无妨。卖相真喺几特别，几似荔枝，虽然唔知外层𠮶啲喺乜，类似旺旺仙贝咁，一口咬落去外壳好脆口；里面嘅虾胶就打得好弹牙，又有虾鲜味，唔错！唔错！
牛筋腩冷刀削面 $62谂住天气都仲喺好热，所以，拣咗个冷刀削面，由于冷面关系，就加咗好多青瓜丝、花生、葱花，再淋上胡麻酱嚟拌面食，入口面条好有韧劲，拌匀所有佐料，令到食味丰富；而啲牛筋、牛腩更喺入晒味，牛筋软腍有弹性，而牛腩十分松化富肉香。
花雕醉鸡米线 $65老婆就拣咗花雕醉鸡，估唔到喺成兜花雕醉鸡咁送上嚟，份量十足，但最紧要喺啲鸡好食，一来鸡肉好嫩滑，二来皮下脂肪少，鸡皮食起嚟好爽口，其次喺有酒香得嚟却唔会好呛喉，好有份醇厚感，虽然只蛋未喺好溏心，但浸得入咗少少酒味，又几过瘾㖞，加埋滑溜嘅米线，不愧招牌菜式。
花雕醉鸡米线
$65
33 浏览
0 赞好
0 留言
可惜豆浆只有冻，所以，老婆就照旧要杯热柠水，而小弟见到杯阿华田脆脆几特别，就试一试。阿华田冲得比较浓郁，面头加咗好多朱古力脆粒，添加一份脆口感，都几得意。
由于主食嘅份量都好足秤，所以，虽然睇见仲有好多几吸引嘅小食都想试，不过实在担心食唔晒，依家两个主食加个虾球都好饱喇，有机会下次先再嚟试试！
张贴
