LA FAMILLE

营业中

休息中

完成左个大Project，同事们决定松一松，tea time食件cake开心吓~ 其中一位甜品达人就提议不如试吓La Famille既戚风蛋糕，皆因佢外型好可爱又的骰，做下午茶一流咁话~我地买左几只味一齐分享，点知争崩头，因为真系好似一口云朵咁松软，食落好轻盈，连忌廉都好light，一啲都唔腻，一个女仔食大半个都不为过。意式香草奶冻 $54奶冻非常滑溜，蛋糕亦有浓香蛋味，最爱佢既地方系一切落去系会回弹既，空气感做得非常好。和茶三色 $54和茶三色甜度相对较低，好啱我心意，因我爱食唔系「甜到漏」既轻甜品。上面仲点缀左几粒红桑子，酸酸甜甜好开胃。双重朱古力 $54双重朱古力蛋糕上有薄片脆脆好好味，夹心既朱古力忌廉冰冰冻冻食落好舒服同好软滑。朱古力味亦够浓厚。日本完熟蜜瓜 $60蜜瓜当造香甜多汁，果肉清香扑鼻，不时不食既野真系要好好把握呀~另外仲买左两个玛德莲蛋糕(抹茶及朱古力) $18@蛋糕既口感比戚风实啲啲，有少少松散，同样都系主题味道够突出而且唔会过油或过甜。整体黎讲佢呢度既蛋糕水准高得黎好平均，每只味都贴题，口味选择又多，物有所值。