影片
更多
2012-07-03
548 浏览
假日朝早好节目，都系去叹茶居多，美孚区嚟嚟去去都系𠮶几间，依家间间都已经系集团式经营嘅酒楼，稻香、富临、百乐门，真系唔集团式都好难做落去。同老婆、姨仔三个人，揾咗百乐门囍宴试一试，睇吓质素又如何？百乐门近年都锐意发展婚宴生意，所以一般嚟讲，百乐门嘅装修都几富丽堂皇。虽然要等位，但都好快有，仲安排咗去角落位一个偏厅，两面落地大玻璃对街景，采光十足，而且亦较大堂无咁嘈杂；再者大多数食客都系上年纪嘅，自顾自刨报纸，就显得更加清静。我哋志在轻轻松松叹吓茶，所以叫点心亦都好随意。11:30am前有个「早市特价」，$6.8-$15.8，共有廿款之多，梗系要点几款著数点心啦。另外一张「十大名点．传统加创意」，又睇睇有无啱食嘅；加埋一张基本嘅点心纸（近50款），又拣啲啦，就咁拣咗6款点心成为我哋嘅叹茶组合。早市特价南瓜煎堆仔（$7.8）一啲都唔系「仔」呀，个个炸得涨卜卜，近乎有个网球咁大，一客仲3个添，非常抵。煎堆炸得好香软，咬落外皮烟烟韧，可惜就无乜南瓜味啫，同食普通煎堆无分别，但咁嘅价，咁嘅呎吋，依然抵食。香菇鸡包仔（$9.8）一笼3个鸡包仔，啱啱好又够分，鸡包仔好软熟，里面塞满香菇同鸡肉，而且本
百乐门近年都锐意发展婚宴生意，所以一般嚟讲，百乐门嘅装修都几富丽堂皇。虽然要等位，但都好快有，仲安排咗去角落位一个偏厅，两面落地大玻璃对街景，采光十足，而且亦较大堂无咁嘈杂；再者大多数食客都系上年纪嘅，自顾自刨报纸，就显得更加清静。
我哋志在轻轻松松叹吓茶，所以叫点心亦都好随意。11:30am前有个「早市特价」，$6.8-$15.8，共有廿款之多，梗系要点几款著数点心啦。另外一张「十大名点．传统加创意」，又睇睇有无啱食嘅；加埋一张基本嘅点心纸（近50款），又拣啲啦，就咁拣咗6款点心成为我哋嘅叹茶组合。
早市特价南瓜煎堆仔（$7.8）
一啲都唔系「仔」呀，个个炸得涨卜卜，近乎有个网球咁大，一客仲3个添，非常抵。煎堆炸得好香软，咬落外皮烟烟韧，可惜就无乜南瓜味啫，同食普通煎堆无分别，但咁嘅价，咁嘅呎吋，依然抵食。
香菇鸡包仔（$9.8）一笼3个鸡包仔，啱啱好又够分，鸡包仔好软熟，里面塞满香菇同鸡肉，而且本身都唔系话细细个，又一抵食之选。
生煎莲藕饼（$9.8）一碟3件煎藕饼，睇落煎得几香脆。莲藕味唔重，反而鱼肉占较多，所以，味道似食煎鲮鱼肉多过莲藕饼。
十大名点雪山叉烧包（大点）
雪山包系列依家好多酒楼都有得食，味道仲五花八门添。今回依个系以叉烧做馅，叉烧包亦都几经变化，由传统嘅叉烧包变奏出叉烧餐包，依家又有雪山叉烧包，叉烧包嘅可塑性都几大。白雪雪嘅墨西哥外皮，嫌佢焗得未香，反而叉烧馅整得几出色，酱汁唔会过多，又炒得香，加入咗洋葱粒，多咗朕爽口感。
基本点心潮州蒸粉果（小点）
基本上都有水准，搓得皮薄透光，食落又唔黐牙，馅料口感丰富，有花生，肉粒，沙葛……等等。
金珠咸水角（小点）今日所点嘅点心，唯一一客有4件，小弟就可以多食一件。味道方面，咸水角我唔知点评为出色，纯以个人口味，做得外皮软糯，馅料调味得宜，已经OK啦。系最怕啲皮又干又硬，馅料无味啫。
虽然只系嗌咗6个点心，茗茶、加一，都要成旧水落楼；整体质素，不过不失咁啦，胜在环境唔错，坐得舒服，食得轻松，周末叹茶，志在都系咁啫！张贴
