Seizing 啡酒館

营业中

休息中

其实唔系第一次喺度食嘢，深水埗太子实在有太多Cafe，其实真系唔会突然间谂起呢间啡酒馆，今次都系经过基隆街想食下舒服嘅早餐，所以就入咗去。叫咗个最平嘅黑松露炒蛋多士沙律$68，连埋杯Latte饮加咗$20。个人认为份量都大份，最钟意食佢新鲜嘅沙律菜同埋好香嘅黑松露💕。整体都坐得舒服嘅，因为太无聊🙄坐咗3个钟，店员周不时都有过嚟加水我饮，如果Cafe来讲有咁嘅服务已经叫做好好啦。而且又唔会限时赶走你，系一个放假Hea嘅好地方。💤见到有一个free flow2小时任饮，店员介绍话可以任饮全部生啤同埋Cocktail，下次我应该会试吓呢个。