泰國BBQ

营业中

休息中

以前系ive 读书时已经系度食，依家系度住啦当然都成日系度食，点知早排得知转左手，咁就梗系要黎试下有冇差左，今日lunch就一家五口黎食，我叫左个泰式猪手饭，我老公叫左个海南鸡饭，我2个女就叫左碗鱼旦河，另加2串烧鸡肉肠，1串烧鸡肾，1串烧猪颈肉。先讲个猪手饭猪手够淋够入味，仲好多件Tim,有几条菜垫底仲有一堆雪菜，好好味，猪手够多，真系唔错，呢个系转手前冇嘅。海南鸡同之前差不多，个饭都好香好入味，鸡好嫩，同埋会送一个汤 但个汤就好重味精味。烧鸡肾：有少少硬身，比较难咬但都好香，上面仲有香茅Tim.烧猪颈肉都好香但一样比难咬开。珍多冰好香椰汁味，不错整体黎讲都同以前差不多，系价钱加左少少，之后仲可以再黎食。