禮 (天光道) (已結業)

放工同朋友食日本菜庆生，拣咗位于土瓜湾嘅呢间日式居酒屋，位于天光道同马头围道交界附近，唔算显眼，但精致嘅门面渗透住一种谧静和暖嘅感觉。点餐后店员为我哋送上精致前菜，凉菜配上胡麻酱同海苔，清新开胃。兵库县室津生蚝系店员嘅推介，生蚝新鲜空运到港，肉质肥美而且蚝味澎湃，混合住淡淡嘅海水味，令成个口腔都充斥住鲜甜嘅滋味。八贯手握寿司盛用上珍宝牡丹虾头做装饰，摆盘加上鲜花同金箔点缀，格外精致。师傅挑选新鲜时令刺身组成八贯寿司盛，件件望落都咁饱满，非常吸引。帆立贝厚实肥美，味道鲜甜，加上黑松露令鲜味更突出，一啖放哂入口系满满嘅幸福感！赤身脂肪量较少，口感清爽，更突显出吞拿鱼嘅鲜甜。拖罗油脂非常丰富，口感绵密而且冇筋，近乎入口即化。除咗生蚝同寿司之外，当然唔少得我至爱嘅玉子烧，有高汤、蟹羔同芝士三款选择，我哋拣咗比较少见嘅蟹羔玉子烧，蟹羔鲜甜浓郁，混入一丝丝嘅蟹肉增加口感，配上脆卜卜嘅飞鱼子同松软香甜嘅玉子，绝对系人间美味。和牛三文治用上优质A5和牛，加上黑松露同金箔做点缀，感觉份外矜贵。厚切和牛沾上面包糠炸成金黄色，用烘得香脆嘅薄多士夹住，咬落除咗香浓嘅牛味同淡淡嘅松露香之外，仲有满口嘅油脂甘香，