龍閣極上火鍋料理 (已結業)

以前火锅系散叫几有质素，依家转左268蚊任食，同朋友12345去试下。坐低睇坐张火锅纸有揾笨嘅感觉， 得中间白色column 系任叫，系稻香48蚊同38蚊会见到嘅野， 极普通，有啲伏味。另外，有自助小食吧，有白灼虾、鸡脚、青瓜木耳。我唔食鸡脚，但朋友们话好好味。个虾好新鲜大只好食！点左汤底，即上刺身拼盘，有鲍鱼，三文鱼、希灵鱼、生虾、八爪鱼，最正系个生虾，三文鱼可以去多啲皮会好啲啰！吸睛嘅仲有海鲜拼盘我地叫左蕃茄薯仔牛腩汤底，放左啲虾同龙虾入去，变左蕃茄海鲜浓汤汤底。之前食过好味嘅手切肥牛只有配给人头份，绝对唔够喉，追加就要加298蚊一碟或者58蚊位任叫。食左配给份嘅手切肥牛，我地一致决定加58蚊位任追加。追加嘅手切肥牛好澎湃！仲一黎黎左4碟，我只系写左2喺追加，太多，勉强先食哂，唔想做大嘥鬼。其他任食嘅食材实在好普通，亮点只有手打墨鱼丸好足料同鱼皮好脆。任饮选择唔算多，有几款道地纸包野饮、可乐、雪碧、忌廉。无左以前啲竹蔗茅根。因为加钱追加，每人360蚊，比散叫贵，难食回本，但啲牛得确好好味。