影片
更多
2023-01-31
659 浏览
难得Book到场夜晚喺伊馆打波，做运动前先提早食个晚餐。我哋直接喺附近揾食，其中公园仔旁边转角位有间餐厅，名叫「岳川串扬」。从外面睇都大约估到系食日本野🎌，入到去确定店舖面积唔大，一眼睇晒，就连厨房都系半开放式，不过佢抽风OK，所以食完个身都无大一浸味。餐厅主打嘅食物系「串扬」，起源自大阪关西，即系沾上炸浆油炸嘅串烧🍢，喺香港真系无几多间餐厅有得食。凡菜单上有个「扬」字，就系指串扬款式。呢度定价属合理水平，晚市人均消费约$300，而中午就有午餐供应。北海道带子三文鱼籽(扬)($40)，食物同图片一样吸引😍，店员建议我哋要即食，因为带子耐咗会出水。北海道带子系刺身级别，所以唔使整到全熟，保持鲜甜。佢另外仲配以三文鱼籽同忌廉芝士，成个组合好正。北海道天使虾(扬)($48)以及紫苏鱿鱼卷(扬)($30)，🦐天使虾本身系靓货，肉质爽弹唔腥，而且炸完之后连壳都变脆、食得埋，调味用上经虾提炼嘅盐。🦑紫苏鱿鱼卷比较迷你，有三粒。鱿鱼质感唔韧，入面包裹一片紫苏叶，再加埋面头嘅柚子胡椒，食落清新。我哋另外仲食咗三款串扬😆，分别系鸡胸软骨($35)(扬)、豚肉芦笋卷($35)(扬)同埋洋葱($18)(扬)
难得Book到场夜晚喺伊馆打波，做运动前先提早食个晚餐。我哋直接喺附近揾食，其中公园仔旁边转角位有间餐厅，名叫「岳川串扬」。从外面睇都大约估到系食日本野🎌，入到去确定店舖面积唔大，一眼睇晒，就连厨房都系半开放式，不过佢抽风OK，所以食完个身都无大一浸味。
餐厅主打嘅食物系「串扬」，起源自大阪关西，即系沾上炸浆油炸嘅串烧🍢，喺香港真系无几多间餐厅有得食。凡菜单上有个「扬」字，就系指串扬款式。呢度定价属合理水平，晚市人均消费约$300，而中午就有午餐供应。
北海道带子三文鱼籽(扬)
$40
22 浏览
0 赞好
0 留言
紫苏鱿鱼卷(扬)
$30
15 浏览
0 赞好
0 留言
串扬
20 浏览
0 赞好
0 留言
烧牛肉金菇卷($38)，呢串就系普通嘅串烧，🐮肥牛包住金菇，食落多汁，简单用七味粉调味已经唔错。
日式矶煮鲍鱼伴萝卜($48)，矶煮鲍鱼唔算细只，鲍鱼腌得几入味，如果多少少甜味更正。餐厅好细心💕，会将鲍鱼同萝卜一分为二，所以我同朋友Share一件都无问题。
招牌大阪土手烧牛舌
$78
13 浏览
0 赞好
0 留言
关东煮
$78
12 浏览
0 赞好
0 留言
樱花虾汤荞麦面($58/热)，惊唔饱肚所以嗌咗碗面🍜，荞麦面面条分明，软硬适中，兼且都算大碗。樱花虾热汤味道虽清淡，但渗出微微樱花虾香。
苹果梳打($48)，由于阵间打波，所以费事饮酒，但其实门口位置有一大个清酒柜同一堆酒杯，好似居酒屋咁🏮，加上做紧Happy Hour优惠，实在令人心郁。我嗌嘅梳打都几好饮，🍎似无酒精嘅苹果酒，唔会太甜。
总括嚟讲，呢间隐世串扬小店令人眼前一亮👍，每款食物都好味道，佢嘅串扬紧系掂，无负专门店之名。小店好适合一班朋友吹下水、食啲嘢，我走嘅时候仲见到有客想坐出面添，食得更尽兴。
张贴
