香湘辣妹 (已結業)

早几日收工约左班friend食饭, 成班死仔包知我唔食得辣都要拣间湘菜黎食, 真是想辣死我。铺头装修都唔错嘅, 仲有个大screen可以睇电视。好搞笑, 因为老板娘是周杰伦嘅超级fans, 周围甚至是菜式名都可以见到周董嘅歌名。一黎就叫左个湘辣公主鸡煲($298)。 妈啊, 真是好L辣啊, 不过啲鸡件都几滑嘅。呢个东风破剁椒鱼头($168)都有啲辣, 不过条鱼好鲜, 几好。呢个威廉古堡香辣花甲虾($128)唔是太辣, 但有啲咸, 重口味左少少哈哈。不过都OK嘅。红豆猪仔包($48), 呢个是我全晚食得最开心嘅菜式, 因为唔辣 入面是红豆馅, 甜甜地几好食。