米線陣 (樂富廣場)

营业中

休息中

今次已经唔记得系第几次去食啦真系忍唔住要写一写佢就系大汗猪扒担担米线非常适合近期天气冻去食落单后，通常米线都会比猪扒早小小上因为猪扒都系即叫即炸所以先讲讲米线嘅部分汤底以咸味为主，当中带好微嘅辣味另外还有花生嘅麻香面头仲有几条鲜莞茜为原本重口味嘅汤底加添小小清新米线软滑带有小小烟韧配上小小花生碎同雪菜点缀令人食唔停口呢个时候，猪扒要上场啦佢并唔系吉列炸法表面会有D一粒粒嘅脆浆咬落真系会有shokshok声里面嘅猪排肉质鲜嫩多汁啖啖都咁有咬口，感觉好充实而炸猪扒嘅调味料主要系辣椒粉同小小辣椒子但亦都唔系话非常之辣以我只可以食到谭X10小辣黎讲仲可以接受得到最重要系佢𠮶种香同辣系会令人不禁流口水同埋下次一谂起又会想再食。