十二味 (如心廣場二期)

营业中

休息中

今日同女朋友去荃湾行街，见到如心广场越来越多嘢食，撞正中午时间，咁就即管去试下，见到间装修得好古典，个名都几特别，叫做十二味，正常嘅午饭价钱，咁就入去试吓，当时大约3:30左右，全店坐大约四五台客左右，首先俾啲餐单大家睇吓先咁我就叫咗个川式口水鸡，我女朋友就叫咗个水煮牛肉，免费送杯酸梅汤，好快就到啦，顺带一提佢系用QR code落单，感到环保，除咗酸梅汤之外仲有碟前菜，酸酸地几开胃，但系杯酸梅汤真系只有一半，之前都有睇过食评都系咁写，免费嘅嘢我就唔谂咁多啦，卖相就唔错啦，咁食落都唔错嘅，首先讲口水鸡先，鸡就系冻嘅，鸡味都唔算好有，咁我觉得4，50蚊既货仔差唔多啦！但系啲辣椒油好正，都好配合鸡味，至于水煮牛肉整体来讲就好味过鸡，牛肉份量都几多，辣椒油比口水鸡更麻，整体来讲用嚟捞饭一流，睇返啲食评讲，酸菜鱼好正，下次一定要试吓，两个人食咗$100左右价钱都好合理，所以都值得推介钟意食辣嘅人。