麻辣Doi (已結業)

新开一间四川麻辣，平时都见几多人排队食午餐又唔太贵又有小菜又有米线。菜单有好多有鱼有鸡都有，仲可以加唔同配料好似打边炉咁。滑鸡香锅，配肥肠、芝心丸、肥牛、鸡肉、莴笋、牛柏叶。麻辣味够晒麻，鸡件新鲜嫩滑，配料都吸收哂麻辣味。特别推介肥肠，爽口入味浓汤肥牛浸娃娃菜食咁多辣野都要食返啲清淡少少，肥牛份量多。最紧要啲娃娃菜吸晒啲汤！有个汤饮下又几好。尖椒皮蛋皮蛋晶莹剔透，够入味，份量又多，唔算太辣，胜在够麻。薯粉可以拣捞埋落个锅度，不过就想试吓清汤。份量都好多汤底都几重胡椒粉味。