十二味 (搵食市集)

营业中

休息中

今日唔知点解冇咩胃口，放工之后决定同朋友去食辣野，佢就介绍咗呢间餐厅俾我。呢间十二味都好似几出名，亦有几间分店，我地就去咗最近新开冇耐既大围分店。我同朋友只得两个人，所以唔系嗌咗好多野食。我地嗌咗烧椒皮蛋，酸菜鱼同夫妻肺片；烧椒皮蛋唔算辣，但好有麻香，皮蛋浸住辣汁够味道，最紧要系个蛋黄系流心，口感唔错，味道都几香浓。主角当然就系酸菜鱼啦，份量都几足，鱼肉都有几多下，唔会好似一啲餐厅酸菜多过鱼，鱼肉肉质嫩滑冇骨，亦有酸菜同粉条，整体味道酸酸辣辣，中间有少少麻香，都算系好正宗既酸菜鱼，必食之选。最后我地都嗌埋夫妻肺片试下，味道方面唔算太辣，但系调味几好几入味，令到我地好想加个白饭😂饮品方面我地就嗌咗一杯热情果梳打，酸酸甜甜好醒胃。其实我地仲有好多𩠌都好想试，可惜实在系太饱，唯有下次再嚟食，呢间既辣野真系值得再试！👍🏻