小辣椒 (已結業)

小辣椒想近近地食下辣野，就黍到北角。水煮龙利，因为第一次帮衬，想试吓佢个水煮鱼汤底系咪真材实料先，所以叫龙利，又可以啖啖肉。不过龙利唔系好入味，同水煮辣味唔系好夹，下次都系叫返桂花鱼。个水煮辣味其实唔错，唔会得个咸字，又唔会成碗系辣椒油，辣椒香闻落好舒服，辣味程度可以再强劲啲。再叫多碗酸辣粉，仲要求大辣，(因为水煮鱼唔够辣)。可惜个酸辣粉个汤底系劲酸，同埋唔够辣。啲薯粉烟烟银银，口感好好。即使系晚上10点几，仍然好多人，而且越夜越多，原来餐厅系经营到凌晨5:00。除咗我哋𠮶桶基本上每枱都有叫大支啤酒，甚至会有人喺度猜枚，好热闹。呢度未必适合情侣拍下拖食下饭，一大班人嚟食就好岩。