湘聚小廚

营业中

休息中

间中会好想好想食辣，今次食湖南菜，剌激下味觉星期五晚怕人多，6:15就坐低，免等位 两个人叫左三个𩠌。因为个鱼份量都几大，所以饭都无叫。坐低有碟前菜，麻油加少少辣。跟住叫左孜然寸骨。街市见过，好似叫猪脾骨。望落去好似好辣，其实只是辣椒多啫，唔辣嘅，不过味道就几浓吓。香口又唔算干身，ok 㖞。原本想食水煮鱼，怕太辣顶唔顺，所以改咗食酸菜鱼。份量好大，好似酒席一窝汤𠮶只 size。鱼片好多，都算新鲜，鲩鱼片有少少细骨，食𠮶时要小心啲。味道呢，有酸菜，但系个汁好似无酸菜鱼𠮶种风味。由于两个菜都系重口味，所以叫左个清炒锅笋丝，清清地几好，唔会好熟仲爽爽地。两个人埋单$400+，都好饱下。店舖有两层，由于近 HKU，都几多国内学生来吃。地方唔系好大，楼下六，七张枱左右，有二楼的，唔知楼上有几大。要七点后晚饭，要订位啊！因为离开时都唔少人在等位。