土司工坊 (已結業)

4月25日, 今日陪咗呀菲出铜锣湾食TEA, 新开咗间来自新加坡嘅面包工房喺时代底层, 呀菲好想试, 所以我地就嚟到, 都几快餐式, 自己去柜台购票, 揾到位自然有侍应捧上食物~::: 肉松厚吐司套餐 ::: $28吐司餐要$28其实都唔平, 不过胜在够新鲜特别~ 肉松吐司真系有好多肉松, 下面吐司好似西多士咁, 脆得黎非常松化, 质地奇好切完扁咗都识弹番起~ 喺吐司上面搽咗少少奶油令到整个配搭味道更丰富~ 另外仲有2只半熟蛋, 即系半熟蛋白加全生蛋黄, 佢介绍嘅食法系先落豉油同胡椒粉, 再笃爆个蛋黄捞匀一齐食… 味道其实同白烚蛋冇乜分别, 不过就够晒滑~ 系几新颖, 不过好唔好味真系见人见智~ 新加坡奶茶都几香浓, 奶味几香, 茶味同奶味都好平衡, 见住个拉茶呀哥好专心咁拉, 加咗唔少分~佢嘅吐司真系吸引到人, 而食物种类都几多~ 差在侍应生可能未做熟, 捧餐有d手忙脚乱, 下次嚟要试埋美绿恐龙先得~!