影片
更多
2014-03-28
5160 浏览
知道大围有间Cafe都系因为有晚哥哥同我讲佢有日Tea Time系大围high Tea好舒服，问我有冇去过，那时我才知原来又有新cafe开咗。之后一日我已经去视察吓，睇吓有乜啱饮啱食先敢去试架嘛，当经过去见到门面都几靓，室外有沙发座位真系似酒馆也带有台湾色彩，在门前有个高架放了Menu，细看之下都有好多食物饮品选择，不过夜晚食品选择较少，但当我见到Menu有爱尔兰咖啡，真系唔使多谂，一定要揾日来试下。就在没多久后，我就Book２位1930，朋友在1945才到，谂好点餐后１５分钟，食物饮品陆续来到，好快已经一枱都系更唔够位放添，系我地叫得太多野食吖？还是张枱细呢？相信２样都系啦..XD我对呢晚食物方面感觉都算ＯＫ，唯独因想饮爱尔兰咖啡而来的我，呢晚店员竟然话今日冇呢款饮品，其他的都有㖞...真系有点晴天霹雳.....点解咁架！？那只好拣另一款我较少饮嘅咖啡饮啦。当我地埋单离开后，我地不约而同都觉得如果以食物地区来计嘅话呢到都算贵，如果要以同类「咖啡．酒馆」来选择，当然会去"牧羊少年"，食物及饮品都抵食正Ｄ，不过如果要近嘅，呢间《古朴年代》的确系不二之选。是晚我地点选了以下饮食：﹣① 维也
之后一日我已经去视察吓，睇吓有乜啱饮啱食先敢去试架嘛，当经过去见到门面都几靓，室外有沙发座位真系似酒馆也带有台湾色彩，在门前有个高架放了Menu，细看之下都有好多食物饮品选择，不过夜晚食品选择较少，但当我见到Menu有爱尔兰咖啡，真系唔使多谂，一定要揾日来试下。
就在没多久后，我就Book２位1930，朋友在1945才到，谂好点餐后１５分钟，食物饮品陆续来到，好快已经一枱都系更唔够位放添，系我地叫得太多野食吖？还是张枱细呢？相信２样都系啦..XD
我对呢晚食物方面感觉都算ＯＫ，唯独因想饮爱尔兰咖啡而来的我，呢晚店员竟然话今日冇呢款饮品，其他的都有㖞...真系有点晴天霹雳.....点解咁架！？那只好拣另一款我较少饮嘅咖啡饮啦。
当我地埋单离开后，我地不约而同都觉得如果以食物地区来计嘅话呢到都算贵，如果要以同类「咖啡．酒馆」来选择，当然会去"牧羊少年"，食物及饮品都抵食正Ｄ，不过如果要近嘅，呢间《古朴年代》的确系不二之选。
是晚我地点选了以下饮食：﹣
① 维也纳咖啡 ($34)
② 姜饼朱古力 ($34) + 冰($3)
③ 炒野菌沙律伴油醋汁 ($60)
④ 西班牙墨汁鱿鱼圈 ($52）
⑤ 蘑菇鸡薄饼 ($108)
⑥ 传统意式肉酱千层面 ($70)
Total: $361
率先上枱嘅系＜炒野菌沙律伴油醋汁＞，炒野菌份量都几多，沙律菜又新鲜，仲有大量芝士粉，都几好食，只是感觉油醋汁油份多咗Ｄ，口感油油的，好在醋味酸酸的减轻油腻感。
到我的＜维也纳咖啡＞登场，面层有厚厚的Cream好滑，黑咖啡味浓微苦但唔香，再吸餟底层的糖，甜味带起中层咖啡味，呢杯都唔错。
朋友的＜姜饼朱古力＞，其实似沙冰又唔唔算咁？朱古力味浓，姜味淡淡的，大大杯质感而幼滑，ＯＫ。
喔~来到＜西班牙墨汁鱿鱼圈＞，真系黑妈妈㖞，原来系炸嘅，炸粉唔算厚，鱿鱼圈唔韧带点弹牙，可是唔觉有墨汁味，而且都几油腻。
再到四四方方的＜蘑菇鸡薄饼＞上枱，枱面已经放唔落我地２杯野，最钟意系佢的批底非常薄，脆口，蘑菇份量尚可，鸡肉偏少，但整块都布满芝士唔腻系好味嘅！
最后才到长方形厚厚的＜传统意式肉酱千层面＞，一睇就觉得佢真系即叫即制，肉酱唔鞋焗得啱啱好，千层面烟烟韧韧，芝士味反而冇乜，以呢个价钱份量同质数都合格吖。
张贴
