烏蠅館 (已搬遷) 新店位置

大陆探鱼就听得多，想食既话，下下返内地都唔方便啦，朋友介绍话 尖咀一间食烤鱼都好食，而且地点方便。位于亚士厘道尽头，地铁一出转左直行就到。我地嗌多宝鱼，麻辣、少辣，仲送多三个素菜，分别是莲藕、白萝卜及木耳。我地另外再嗌多个墨汁墨鱼丸及四川宽粉。职员详细介绍鱼已熟，所以等多两三分钟等汤底都滚，就可以先食鱼，再加水打边炉。多宝鱼嫩滑，而且不多骨，方便钟意食啖啖肉又懒既人，食鱼时，再蘸一蘸个麻辣汤底，更滋味。食得七七八八时，职员主动加水，水滚后落墨汁墨鱼丸及四川宽粉，四川宽粉好快熟，渌两分钟就林，林得黎又QQ弹牙，而且索哂D麻辣味好正。墨汁墨鱼丸食落入面是充满墨鱼粒粒，口感一流。另外，朋友嗌了玫瑰蜂蜜，而我嗌了茉莉蜂蜜，两杯都好饮玫瑰蜂蜜味道较浓郁，很香，而且饮落很舒服。茉莉蜂蜜相对比较清淡。