喬居酒屋

营业中

休息中

乔居酒屋位于太子花园街嘅小巷入面, 虽然位置隐蔽, 但由佢小巷条小路挂满灯笼布置, 到一踏入店内, 就好似瞬间置身于日本嘅街头～ 店内装潢以木系为主调, 充满浓厚嘅日本风情, 舖头唔大但俾人感觉温馨又亲切, 呢度嘅气氛非常适合同三五知己一齐畅饮畅谈, 享受一个愉快嘅夜晚! 乔居酒屋主打串烧, 选择多样化, 包括鸡肾、鸡心、鸡肝同鸡尾等, 每款都系精心烹调, 有温度同味道😂 佢嘅伴碟都好特别系一个食得出有啲日式木鱼调过味嘅蒜头, 香得嚟唔会太过浓味～ 牛小排、提子黑豚肉、苹果黑豚肉、烧西京芝士同黑糖菠萝等特色串烧亦非常受欢迎, 每款都系用心制作, 有惊喜😁特别推荐佢哋嘅苹果猪肉卷, 猪肉咸香, 好新鲜咁搭配清甜爽脆嘅苹果, 口感层次丰富! 另一款必试嘅系免治鸡肉棒配日本初生蛋, 鸡肉鲜嫩多汁, 配上蛋浆更加滑溜😍乔居酒屋唔单止食物出色, 服务亦非常贴心, 店员亲切友善~ 令人觉得系一间充满人情味嘅居酒屋, 无论系同朋友聚会定系想揾个地方放松心情, 都系一个几好嘅秘密基地😜