茶舍 (北帝街)

营业中

休息中

开业不足一年，由之前堆满花牌到间中行过都总见到店外必排几堆人，搞到我都想睇睇佢menu。开饭入面每日订位只有下午二时后。13:50早到喺门外见有两张吉枱问俾唔俾提早入，侍应摆出心不甘情不愿嘅嘴脸，搞到我好似乞求佢咁，好勉强地俾我哋坐张起迫二人枱，五分钟见未落单，又要就新入嚟六人而将我哋调去近落地玻璃稍为阔落嘅四人枱⋯⋯开心得太早，一样系搭枱，系栋两块透明板同对面二人些牙同一张枱㗎⋯⋯于是乎喺呢个委曲求食兼崩紧嘅状态下，食完全身筋骨痛。直至两点至两点半，店内又再坐满。啲餐牌嘅照片无疑颜值颇高。理解到点解咁多返工返学嚟食，一字记之曰：平。同样地，唔系因为平，差啲俾腐皮。既然仲有几分钟就下午茶时段（侍应㩒机落单，一定系顶多仲有一分钟就搭正两点先叫得）。下午茶餐系三十几四十一个系算几抵，嗌几个懒系豪都冇问题，搭个散叫$60鳗鱼滑蛋包饭。蛋漏蛋汁，鳗鱼三分一段，两碗饭饭量，交到差。鲜茄午餐肉通粉，午餐肉切粒煎香都有些少脆边角；榴连咖咉厚多士厚度就一般，酱唧咗少少出嚟，薄薄一浸，叫做搽匀到接近边缘；炸大鸡髀系普通油炸光面样，唔系见图用面包糠炸嘅款。茶餐厅嘅企理版变奏，仅此而已。